ကချင်ပြည်နယ် တနိုင်းဒေသ တိုက်ပွဲ ပြင်းထန်

သတင်းနှင့် မီဒီယာ ကွန်ရက်။
နိုဝင်ဘာလ ၃၀ ရက်၊ ၂၀၁၇ ခုနှစ်။

ကချင်လွတ်လပ်ရေး တပ်မတော် KIA နှင့် မြန်မာ့တပ်မတော်တို့ကြား နိုဝင်ဘာလ ၂၈ ရက်နေ့က ကချင်ပြည်နယ် တနိုင်းမြို့ နယ်အတွင်းတွင် တိုက်ပွဲ ပြင်းထန်စွာ ဖြစ်ပွားခဲ့သည်ဟု KIA က ပြောသည်။

“နည်းနည်းတော့ ပြင်းထန်တယ်လို့တော့ ပြောလို့ရပါတယ်။ မြေပြင်တိုက်ပွဲလည်းဖြစ်တယ်။ လက်နက်ကြီး နဲ့လည်း ထုပစ်တယ်ဆိုတော့ ပြင်းထန်တယ်လို့ ပြောလို့ရပါတယ်။”  ဟု ကချင်လွတ်လပ်ရေးအဖွဲ့ KIO/KIA သတင်းနှင့် ပြန်ကြားရေး တာဝန်ခံ ဗိုလ်မှူးကြီး နော်ဘူ က ပြောသည်။

ကချင်လွတ်လပ်ရေး တပ်မတော် KIA တပ်မဟာ ၂ တပ်ရင်း ၁၄ ဧရိယာအတွင်းသို့ မြန်မာ့တပ်မတော်က ထိုးဖောက်ဝင်ရောက်လာသည့်အတွက် တိုက်ပွဲ ဖြစ်ပွားခဲ့ခြင်းဖြစ်သည်ဟု KIO/KIA က ပြောသည်။

“တနေ့ကတော့ တနိုင်းမြို့ကနေ ဆယ်မိုင်ဝန်းကျင်လောက်ဝေးတဲ့ KIA တပ်ရင်း ၁၄ နယ်မြေမှာ ဖြစ်ပါတယ်။ အဲဒီနေ့ကတော့ တစ်နေကုန်လောက်ဖြစ်တာပေါ့ မနက် ၆ နာရီခွဲကနေ ညနေပိုင်းလောက်အထိ ဖြစ်တာ”  ဟု ဗိုလ်မှူးကြီး နော်ဘူက ပြောသည်။

မြန်မာ့တပ်မတော်က ကချင်ပြည်နယ် မြောက်ပိုင်းတိုင်း စစ်ဌာနချုပ် (မပခ) နှင့် တနိုင်းမြို့နယ်အတွင်းတွင် တပ်အင်အား တိုးချဲ့ ထားခြင်းကြောင့် တိုက်ပွဲများ ပြင်းထန်လာနိုင်သည်ဟု KIO/KIA က သုံးသပ်သည်။

“တပ်မဟာ ၂ နယ်မြေဖက်မှာကတော့ တပ်မတော်ဖက်ကတော့ နယ်မြေရှင်းလင်းရေး သူတို့ စစ်ဆင်ရေး လုပ်မယ်ဆိုတဲ့ ဆုံးဖြတ်ထားတာရှိတယ် ဆိုတော့ ဒီပွင့်လန်းရာသီမှာလည်း သူတို့က ဆက်ပြီးတော့ တိုက်ပွဲတွေကတော့ ရှိမယ်လို့ ကျနော်ယူဆပါတယ်။” ဟု ဗိုလ်မှူးကြီး နော်ဘူ က ဆက်ပြောသည်။

နိုဝင်ဘာလ ၂၈ ရက်နေ့တွင်ဖြစ်ပွားခဲ့သည့် တိုက်ပွဲသည် မြန်မာ့တပ်မတော်၏ တနိုင်းအခြေစိုက် စုပေါင်းတပ်များဖြင့် ဖြစ်ပွားခဲ့ခြင်းဖြစ်ပြီး  လောလောဆယ်တွင် မြန်မာ့တပ်မတော်မှ ပြန်လည်ဆုတ်ခွာသွားသည်ဟု KIO/KIA က ပြောသည်။

ကချင်ပြည်နယ် တနိုင်းမြို့နယ်အတွင်းရှိ KIO/KIA  တပ်မဟာ ၂ တပ်ရင်း ၁၄ အပြင် ရှမ်းပြည်နယ် မြောက်ပိုင်းရှိ KIO/KIA တပ်မဟာ ၄ နှင့် တပ်မဟာ ၆ ဖက်တွင်လည်း မြန်မာ့တပ်မတော်နှင့် ကချင်လွတ်လပ်ရေး တပ်မတော် KIO/KIA တို့ကြား တိုက်ပွဲများ ကြိုကြားကြိုကြား ဖြစ်ပွားလျက်ရှိသည်ဟု ဗိုလ်မှူးကြီး နော်ဘူ က ပြောသည်။

ကချင်ပြည်နယ် တနိုင်းမြို့နယ်အတွင်း နိုဝင်ဘာလ ၁၇ ရက်နေ့ကစတင်၍ တိုက်ပွဲများ ပြန်လည် ဖြစ်ပွား လာသည့်အတွက် တနိုင်းဒေသခံ ပြည်သူများအား လယ်တော၊ ပယင်းမှော်နှင့် ရွှေမှော်များသို့ မသွားရန် ရပ်ကွက်မှူးများ၊ ဆယ်အိမ်မှူးများက လိုက်လံကြေညာထားသည်။