ထိုင်းယာဉ်တိုက်မှု မြန်မာ ၁၃ ဦးသေဆုံး

သတင်းနှင့် မီဒီယာ ကွန်ရက်။
နိုဝင်ဘာလ ၂၅ ရက်၊ ၂၀၁၇ ခုနှစ်။

ထိုင်းနိုင်ငံအတွင်းဖြစ်ပွားသော ယာဉ်တိုက်မှုအတွင်းတွင် မြန်မာအလုပ်သမား ၁၃ ဦး သေဆုံးခဲ့သည်။

မြန်မာရွှေ့ ပြောင်းအလုပ်သမား ၁၃ ဦးနှင့် ထိုင်းနိုင်ငံသား ကားမောင်းသမားတစ်ဦး လိုက်ပါလာသည့် ကားသည် ဆယ်ဘီးကားတစ်စီးအား ၀င်တိုက်ရာ မီးလောင်ခဲ့သည့်အတွက် လိုက်ပါလာသူ ၁၄ ဦးလုံး သေဆုံးခဲ့ခြင်း ဖြစ်သည်။

ထိုင်းနိုင်ငံ မဲဆောက်မြို့ မှ ဘန်ကောက်မြို့ သို့ ထွက်လာသည့် ကားသည် နိုဝင်ဘာလ ၂၄ ရက် ယမန် နေ့ နံနက် ၂ နာရီခွဲ အချိန်က ဆင်းဘူရီမြို့နယ် ပန်မန်းရပ်ကွက်ရှိ အာရှဟိုင်းဝေး လမ်းမကြီးပေါ်တွင် ဆယ်ဘီးကားတစ်စီးအား ၀င်ရောက်တိုက်မိရာမှ ကားမီးလောင်မှု ဖြစ်ပွားခဲ့ခြင်းဖြစ်သည်။

ဆင်းဘူရီ ရဲစခန်းမှ ထိုင်းရဲအရာရှိတစ်ဦးက “မြို့ထဲမှာ ဖြစ် တာမဟုတ်ဘူး။ အာရှလမ်းမ ပေါ်မှာဖြစ် တာ။ ဆယ်ဘီးကား နောက်ကို ၀င်တိုက်ခဲ့တာ။ ဖြစ်ပွားခဲ့အချိန်က မနက် ၂ နာရီခွဲက။ အားလုံးသေသွားတာ ကားမောင်းသူပါပါတယ်” ဟု ပြောသည်။

သေဆုံးသွားသည့် သူများအား မည်သူမည်ဝါ သိရှိနိုင်ရန် DNA စစ်ဆေးမှုများ ပြုလုပ်ရန် စီစဉ်နေပြီး နောက်ပိုင်းတွင် ၎င်းတို့၏ ဆွေမျိုးများကို အကြောင်းကြားသွားမည်ဟု ထိုင်းရဲအရာရှိက ပြောသည်။

ယင်းအလုပ်သမားများသည် ထိုင်း-မြန်မာ နယ်စပ်ရှိ မဲဆောက်မြို့ တွင် စီအိုင် ခေါ် စီစစ်ရေးကဒ်ပြား သွားရောက်လုပ်ကိုင်ကြပြီး ၎င်းတို့ အလုပ်လုပ်ရာ ဘန်ကောက်မြို့အနီးရှိ နုံထဘူရီခရိုင် ဘန်ဘိုထောင်းမြို့ သို့ အပြန်တွင် ယခုကဲ့သို့ ဖြစ်ပွားခဲ့ခြင်းဖြစ်သည်။

“ဒီအလုပ်သမားတွေက ပတ်စပို့သွားပြီးတော့လုပ်တယ်။ CI သွားပြီးတော့လုပ်တယ်။ လုပ်ပြီးတော့ ပြန်လာတဲ့အခါမှာ ကားတိုက်ခံသေရတယ်။ သူတို့ သေတဲ့ကားကတော့ ဗင်ကားလို့ခေါ်မယ်” ဟု အ လုပ်သမားအရေး ကူညီဆောင်ရွက်ပေးနေသည့် ထိုင်းနိုင်ငံရောက် မြန်မာနိုင်ငံသားများအဖွဲ့ MAT ဒါရိုက်တာ ဦးကျော်သောင်းက ပြောသည်။

ယခုဖြစ်ပွားခဲ့သည့် ယာဉ်မတော်တဆဖြစ်မှုတွင် မြန်မာရွှေ့ပြောင်း အလုပ်သမားများအတွက် လျော်ကြေးငွေ ပြန်လည်ရရှိရန် မြန်မာသံရုံးမှ တာဝန်ရှိသူများက စီစဉ်ဆောင်ရွက်နေသည်ဟု သိရသည်။