မွန်အမျိုးသားကျောင်း ဆရာ/မ များ ထောက်ပံ့မှု အခက်ကြုံ

သတင်းနှင့် မီဒီယာကွန်ရက်။
၂၀၁၉ ခုနှစ်၊ ဇူလိုင် ၃၀ ရက်။

မွန်အမျိုးသားကျောင်းများရှိ ကျောင်းဆရာ/ဆရာမများအတွက် လစာပုံမှန်ထောက်ပံ့ပေးနိုင်ရေးသည် အခက်အခဲဖြစ်နေသည်ဟု မွန်အမျိုးသားပညာရေးကော်မတီ တာဝန်ရှိသူများက ပြောသည်။

မွန်အမျိုးသားပညာရေးဌာနမှ တာဝန်ခံ မိစာတာက “ဆရာ/ဆရာမတွေအတွက် လစာထောက်ပံ့ပေးဖို့က အဓိက စိုးရိမ်နေရတာပေါ့နော်၊ ကျောင်းဆရာ/ဆရာမ လစာကတော့ အဓိက အလှူရှင်နဲ့ ရပ်ရွာလူထုပေါ့နော်။ တခါတလေ အလှူရှင်က တစ်နှစ်နဲ့ပဲပေးတော့ လစာပြတ်တောက်သွားတာရှိတာပေါ့နော်” ဟု ပြောသည်။

မွန်အမျိုးသားကျောင်းများမှ မွန်ပြည်သစ်ပါတီ NMSP ၏ စီမံခန့်ခွဲမှုအောက်တွင် ဖွင့်လှစ်ထားခြင်းဖြစ်သည်။

မွန်အမျိုးသားပညာရေးဌာနရှိ ကျောင်းဆရာ/ဆရာမများအတွက်လစာကို အလှူရှင်နှင့် ရပ်ရွာလူထုများ၏ ကူညီထောက်ပံ့မှုများဖြင့် ရပ်တည်နေရပြီး အလှူရှင်များ၏ ထောက်ပံ့မှု ပြတ်တောက်သွားလျှင် အခက်အခဲရှိနိုင်သည်ဟု မိစာတာက ဆက်ပြောသည်။

ထိုကဲ့သို့ လစာပြတ်တောက်သွားသည့် အခြေအနေမျိုးတွင် ကျောင်းဆရာ/ဆရာမများအတွက် လစာအဆင်သင့်ထုတ်ပေးနိုင်ရန် မွန်အမျိုးသားပညာရေးဌာနမှ ဦးဆောင်ပြီး ရန်ပုံငွေရှာဖွေရေးအဖွဲ့တစ်ဖွဲ့ကို ဖွဲ့စည်းကာ ရန်ပုံငွေရှာဖွေမှု လုပ်ဆောင်နေသည် ဟု မွန်အမျိုးသားပညာရေးဌာနက ပြောသည်။

ငွေကြေးထောက်ပံ့ပေးမှုနည်းပါးခြင်းတို့ကြောင့် မွန်အမျိုးသားကျောင်းတွင် ကျောင်းဆရာ/ဆရာမ မတည်ငြိမ်သည့် အခက်အခဲများရှိနေပြီး နှစ်စဉ်နှစ်တိုင်း ကျောင်းဆရာ/ဆရာမ မလုံလောက်မှုနှင့် ကြုံတွေ့နေရသည်ဟု ပြောသည်။

မွန်ကျောင်းဆရာမတဦးက “လစာကတော့ အခုဆိုရင် တစ်သိန်းကျော်ရနေတယ်၊ အစိုးရကျောင်းက ကျောင်းဆရာ/ဆရာမတွေရဲ့ လစာနဲ့ နှိုင်းရင်တော့ နည်းတာပေါ့လေ။ ဒါပေမယ့် ဒါကကိုယ့်အမျိုးသားကျောင်းဖြစ်တယ်၊ တချို့ဆိုလည်း လစာနည်းတဲ့အတွက် တစ်နှစ် နှစ်နှစ်နဲ့ ထွက်ကြတာတွေလည်းရှိတယ်”ဟု ပြောသည်။

ယခုနှစ် ၂၀၁၈-၂၀၁၉ ပညာသင်နှစ်မှာတွင် ကျောင်းဆရာ/ဆရာမအတွက် ထောက်ပံ့မှုကို တိုးမြှင့်ထားပြီး တစ်ဦးလျှင် ကျပ် ၁ သိန်း ၃ သောင်း ထိ တိုးမြှင့်ထောက်ပံ့ပေးနိုင်ခဲ့သည် ဟု မွန်အမျိုးသားပညာရေးဌာနက ပြောသည်။ ယခင်နှစ်များက ကျောင်း ဆရာ/ဆရာမ တစ်ဦးကို တစ်လလျှင် ကျပ် ၅၀၀၀၀/၇၀၀၀၀ လောက်သာထောက်ပံ့ပေးနိုင်ခဲ့ခြင်းဖြစ်သည်။

မွန်အမျိုးသားပညာရေးဌာန ကွပ်ကဲမှုအောက်ရှိ မွန်အမျိုးသားကျောင်းများနှင့် အစိုးရကျောင်းနှင့် တွဲဖက်သင်ကြားနေသည့် မွန်အမျိုးသားကျောင်းများတွင် မွန်စာသင်ကြားသည့် ကျောင်းဆရာ/ဆရာမ ၈၀၀ ခန့်ရှိသည်ဟု မွန်အမျိုးသား ပညာရေးဌာန၏ စာရင်းဇယားများ အရသိရသည်။

မွန်ပြည်သစ်ပါတီ (NMSP) ၏ မွန်အမျိုးသား ပညာရေးဌာန ကွပ်ကဲမှုအောက်တွင်ရှိသည့် ပါတီတပ်တည်ရှိသည့် ဧရိယာများနှင့် နီးစပ်သည့် မွန်ပြည်နယ် ရေးမြို့ နယ်၊ ကရင်ပြည်နယ် ကြာအင်းဆိပ်ကြီးမြို့နယ်၊ တနင်္သာရီတိုင်း ရေဖြူမြို့နယ်ဒေသများတို့တွင် သင်ကြားပေးလျှက်ရှိသည်။

ထို့အပြင် သံဖြူဇရပ်၊ မုဒုံ၊ ကျိုက်မရော၊ ဘားအံ၊ ကော့ကရိတ်မြို့နယ်တို့ တွင် မွန်စာများကို မွန်အမျိုးသားကျောင်းများနှင့် အစိုးရကျောင်းများ တွဲဖက်ထားသည့် အခြေခံပညာကျောင်းများတွင် သင်ကြားပေးလျှက်ရှိသည်။