ဘယ်သူ အာဏာအရှိဆုံးလဲ

စက်တင်ဘာလ ၂၁ ရက်၊ ၂၀၀၇ ခုနှစ်။

ဗိုလ်ချုပ်မှူးကြီးနှင့် ဒုတိယ ဗိုလ်ချုပ်မှူးကြီးတို့ အငြင်းပွားနေသည်။

သံဃာများ ကံဆောင်သည့် အတွက် အကျိုးဆက်များ ကျရောက်မည်စိုး၍ သူ့တွင် တာဝန်ရှိသည် ကိုယ့်တွင် တာဝန်ရှိသည်ဟု ငြင်းခုံနေခြင်းဖြစ်သည်။

မင်းက ပိုတာဝန်ရှိတယ်။ စီမံခန့်ခွဲမှုတွေ အားလုံးမင်းတာဝန်ယူနေတာပဲ လို့ ဗိုလ်ချုပ်မှူးကြီးက ဒု- ဗိုလ်ချုပ်မှူးကြီးကို ပြောသည်။

ဗိုလ်ချုပ်ကြီးက နိုင်ငံ့အကြီးအကဲဖြစ်ပါတယ်၊ အာဏာဟာ ဗိုလ်ချုပ်မှူးကြီးဆီမှာရှိတာပါ။ ဒါကြောင့် တိုက်ရိုက်တာဝန်ရှိပါတယ်။ အရင်တခါ ကံဆောင်ပွဲပြီးတော့ ရူးသွားတာလဲ တာဝန်ခံတဲ့ ဗိုလ်ချုပ် မှူးကြီးပဲဖြစ်တယ်။ အဲဒီတုန်းက စီမံခန့်ခွဲတဲ့ ထောက်လှမ်းရေးမှူးချုပ်ကတော့ ဘာမှ မဖြစ်ဘူးလေ။ ဒု-ဗိုလ်ချုပ်မှူးကြီးက လွတ်ရာလွတ်ကြောင်း ပြောသည်။

ဗိုလ်ချုပ်မှူးကြီးကလည်း အားကျမခံ

သူလဲ နောက်တော့ ရာထူးပြုတ်၊ ထောင်နန်းစံရတာပဲ မဟုတ်လား။

ထိုအချိန်တွင် ရုတ်တရက် ဖုန်းမည်လာသည်။

အိမ်တော်ကပါခင်ဗျ။ ဗိုလ်ချုပ်မှူးကြီးကတော် ရုတ်တရက် စိတ်ဖောက်ပြန်သွားလို့ စိတ်ရောဂါကု ဆေးရုံပို့လိုက်ရပါတယ်။

သြော်- တကယ်အာဏာရှိတာက သူကိုး။