မြန်မာစစ်အစိုးရအား အရေးယူရန် ကုလသို့ တောင်းဆို

အောင်မိုးမြင့်။
စက်တင်ဘာလ ၅ ရက်၊ ၂၀၀၇ ခုနှစ်။

ထိုင်းနိုင်ငံ ဘန်ကောက်မြို့ရှိ မြန်မာအလုပ်သမားများက ကုန်ဈေးနှုန်းကျဆင်းရေး ဆန္ဒပြတောင်းဆိုသူများကို အကြမ်းဖက်နှိမ်နင်းခြင်းသည် လူ့အခွင့်အရေးချိုးဖေါက် နေမှုများဖြစ်၍ ယင်းကို  အရေးယူဆောင်ရွက်ပေးရန် ကုလသမဂ္ဂရုံးသို့ စုပေါင်းလက်မှတ် ရေးထိုးပြီး ပေးပို့ခဲ့သည်။

စုပေါင်းလက်မှတ်ထိုးသည့် လှုပ်ရှားမှုကို ယခုလ ၁ရက်နေ့ကစတင်ခဲ့ပြီး ယူအဲန်ရုံးသို့ ယမန်နေ့က ပေးပို့ခဲ့ခြင်း ဖြစ်သည်။

ယင်းနှင့်ပတ်သက်၍ လှုပ်ရှားမှုကော်မတီတဦးဖြစ်သူ ဦးကျော်သောင်းက ယခုလိုပြောသည်။

“ဆိုက်ကားသမားတွေ ပန်းရံသမားတွေကို ကြံ့ဖွံ့တို့ စွမ်းအားရှင်တို့က ခေါ်တယ် ခေါ်ပြီးတော့ ပိုက် ဆံပေးပြီးတော့ လူတွေ လမ်းပေါ်တက်တဲ့လူတွေကို ရိုက်နှက်တယ်။ နောက်ပြီးတော့ ဆရာ၊ ဆရာမ တွေကို မနက်ခြောက်နာရီကနေ ညခြောက်နာရီထိ ကင်းစောင့်ခိုင်းတယ်။ ဒါတွေဟာ လူ့အခွင့်အရေး ချိုးဖောက်တာဖြစ်တယ်၊ အလုပ်သမားအခွင့်အရေးတွေ ချိုးဖောက်တာဖြစ်တယ်၊ ဒါကြောင့်မိုလို့ ကျ နော်တို့ ဘ၀တူ အလုပ်သမားတွေအတွက် ကျနော်တို့ ပြည်ပကနေပြီးတော့ လုပ်လို့ရတာကို လုပ် ခြင်းဖြစ်တယ်။ ဒါကြောင့်မိုလို့ ကုလသမဂ္ဂလုံခြုံရေးကောင်စီကနေ အမြန်ဆုံး ထိထိရောက်ရောက် အရေးယူ ဆောင်ရွက်ပေးဖို့အတွက် ကျနော်တို့ အလုပ်သမားကိုယ်စား ကျနော်တို့က တင်ပြခြင်း ဖြစ်တယ်။”

စက်တင်ဘာလ ၁ ရက်နေ့မှ ၃ ရက်နေ့အထိ လက်မှတ်ကောက်ယူရာ စုစုပေါင်း လူ ၂၂၃၀ ဦး ပါဝင် လက် မှတ်ရေးထိုးခဲ့ပြီး မြန်မာအစိုးရကို အရေးယူရန် တောင်းဆိုသည့်စာကို ယူအဲန်ရုံးသို့ ပေးပို့ခဲ့သည်။ ထို့ပြင် ကုလ သမဂ္ဂ အတွင်းရေးမှူးချူပ်၊ ဂန်ဘာရီ၊ ပီညဲရိုး၊ လူ့အခွင့်အရေးကော်မရှင်နာ မင်းကြီး၊ ကုလသမဂ္ဂ ရုံးလက် အောက်ရှိ ဌာနဆိုင်ရာအားလုံး လိပ်မူထားပြီး ဆက်လက် ပေးပို့သွားမည်ဟု ဦးကျော်သောင်းက ဆက်ပြော သည်။

ပြည်တွင်းဆန္ဒပြမှုများကို အားပေးထောက်ခံသည့်အနေဖြင့် လက်မှတ်ရေးထိုးခဲ့ကြောင်း ပါဝင် လက်မှတ်ထိုးခဲ့သူ မြန်မာအလုပ်သမား စောလဖုန်းက ပြောသည်။

“လက်မှတ်ထိုးတာက ဒီလိုပေါ့ ဒီ မြန်မာပြည်မှာလုပ်နေတဲ့ လူတွေအတွက် ကိုယ်ကအားပေးတဲ့ အနေ နဲ့ပေါ့၊ ကိုယ်က ကိုယ်ကိုယ်တိုင်မလုပ်နိုင်ဘူး မဟုတ်လား ဒီမှာ။ ကိုယ့်ဟာနဲ့ကိုယ် အလုပ်နဲ့ဘာနဲ့ အချိန်ကုန်နေတယ် ဆိုတော့ လုပ်တဲ့လူရှိရင် ကိုယ်က ၀မ်းသာတယ်လေ။”

ဘန်ကောက်မြို့ရှိ နေရာလေးနေရာမှသာ  ပြည်တွင်းမှဆန္ဒပြသူများကို  အကြမ်းဖက်တိုက်ခိုက်သည့် ဓါတ်ပုံ၊ စာ ရွက်စာတမ်းများနှင့် ဗွီဒီယို စီဒီခွေ ၆၀၀ ကျော်ကို ဖြန့်ဝေကာ မြန်မာအလုပ်သမားများကြားတွင် လက်ရှိမြန်မာ ပြည်အခြေအနေများကို ရှင်းလင်းပြောပြခဲ့ပြီး လက်မှတ်များကို ကောက်ယူစုဆောင်းခဲ့သည်။

လက်မှတ်ကောက်ယူမှုကို ဘန်ကောက်မြို့ အပြင် အခြားနေရာများတွင် နေထိုင်သော မြန်မာအလုပ်သမားများ ထံမှ အနည်းဆုံး တစ်လ ဆက်လက်ကောက်ယူသွားမည်ဟု လှုပ်ရှားမှုကော်မတီဝင် တဦးက ပြောသည်။

ဘန်ကောက်မြို့ရှိ ရောင်ခြည်ဦးအလုပ်သမားသမဂ္ဂ၊ ရခိုင်အလုပ်သမားသမဂ္ဂနှင့် တသီးပုဂ္ဂလများ စုစည်း၍ ပြည် တွင်းအကြမ်းဖက်မှုကို ဆန့်ကျင်ရှုတ်ချ လက်မှတ်ရေးထိုးရေး ကော်မတီတစ်ရပ်ဖွဲ့ကာ လက်မှတ် ကောက်ယူ သည့် လှုပ်ရှားမှုကို ယခုလ ၁ရက်နေ့မှ စတင်ခဲ့သည်။