ရှမ်းခေါင်းဆောင် ဦးခွန်ထွန်းဦး၏ မွေးနေ့ပွဲ တားဆီးပိတ်ပင်ခံရ
ယူအဲန်အေ မှ ကျောင်းသားများနှင့် ပူးပေါင်းဆောင်ရွက်သွားမည်

အောင်မိုးမြင့်။
စက်တင်ဘာလ ၉ ရက်၊ ၂၀၀၇ ခုနှစ်။

ဗဟန်းမြို့နယ် ခြောက်ထပ်ကြီးဘုရားဝင်းအတွင်းရှိ  သိပံ္ပဘုန်းကြီးကျောင်း၌ ယနေ့ပြုလုပ်မည့် ရှမ်းခေါင်းဆောင် ဦးခွန်ထွန်းဦး၏ ၆၄ နှစ်မြောက် မွေးနေ့ဆွမ်းကျွေးပွဲကို အာဏာပိုင်များက တားဆီးပိတ်ပင်ခဲ့သည်။

စည်းလုံးညီညွတ်သော ပြည်ထောင်စုတိုင်းရင်းသား နိုင်ငံရေးပါတီများ မဟာမိတ်အဖွဲ့ (ယူအဲန်အေ) မှဦးဆောင် ပြီး လာမည့် စက်တင်ဘာလ ၁၁ ရက်နေ့တွင်ကျရောက်မည့် ဦးခွန်ထွန်းဦး၏ မွေးနေ့ပွဲကြိုတင်ကျင်းပမည်ကို ရန်ကုန်အရှေ့ပိုင်းခရိုင် ခယက ဥက္ကဌက ယူအဲန်အေဟာ တရားဝင်အဖွဲ့အစည်း မဟုတ်သည့်အတွက် မလုပ်ရ ဟု ဆိုကာ ပိတ်ပင်ခဲ့ကြောင်း ဇိုမီးအမျိုးသားကွန်ကရက် ဥက္ကဌ ပူကျင့်ရှင်းထန်က ပြောသည်။

ကျနော်တို့ ယူအဲန်အေ အနေနဲ့ စည်းလုံးညီညွတ်သော လူမျိုးစု တိုင်းရင်းသားပါတီများ မဟာမိတ် အဖွဲ့ နံမည်နဲ့ ကျနော်တို့ ဖိတ်စာဝေတယ်။ အဲ့ဒါကို တရားဝင်အဖွဲ့အစည်းမဟုတ်တဲ့ အတွက်ကြောင့် မလုပ်ရဘူးဆိုတာ အဲ့ဒါ ဗိုလ်တစ်ထောင်မြို့နယ် မယက ရုံးမှာ ခယက ဥက္ကဌက ကျနော့်ကို ခေါ်ပြော ပါတယ်။ အခုမွေးနေ့တောင်မှ အဲ့လိုပဲ လွတ်လွတ်လပ်လပ် ကျင်းပလို့ မရဘူးဆိုလို့ရှိရင်တော့ ကျ နော်တို့ မလုပ်တော့ပါဘူး။ ကိုယ့်အိမ်မှာပဲ သူကျန်းမာစေကြောင်းကို ဆုတောင်းပေးဖို့ ကျနော်တို့ ဆုံးဖြတ်ထားတယ်။

ဦးခွန်ထွန်းဦး၏ ၆၄ နှစ်မြောက်မွေးနေ့ပွဲကျင်းပခြင်းသည် နိုင်ငံရေးအရ စည်းရုံးလှုံ့ဆော်ဆန္ဒပြမှုများ ပြုလုပ်ရန် ရည်ရွယ်ချက်မရှိကြောင်း  ရှမ်းတိုင်းရင်းသားများ ဒီမိုကရေစီအဖွဲ့ချုပ်က ပြောရေးဆိုခွင့်ရှိသူ ဦးစိုင်းလိတ်က ပြော သည်။

မွေးနေ့ပွဲကိုတော့ ခုနကပြောသလို သိပ္ပံကျောင်းမှာ ကျင်းပဖို့ စီစဉ်ထားတာပေါ့ဗျာ။ ပြီးတော့ ဆွမ်း ကျွေးမယ်၊ ပြီးတော့ သက်ဆိုင်ရာ သံတမန်အသိုင်းအ၀ိုင်းက သံအရာရှိတွေ အကုန်လုံးဖိတ်မယ်၊ ပြီး တော့မှ အဲန်အယ်လ်ဒီ၊ နောက် ၈၈ မျိုးဆက်ကျောင်းသားများ၊ ၀ါရင့်နိုင်ငံရေးလုပ်ဖော်ကိုင်ဖက်များ၊ ပြီးတော့ ဒီမိုကရေစီအင်အားစု အဖွဲ့အစည်းအားလုံးပေါ့ဗျာ အဲ့ဒါတွေ ဖိတ်ပြီးတော့မှ မိသားစုနဲ့ အတူ ပေါ့ ဦးခွန်ထွန်းဦးရဲ့ ခြောက်ဆယ့်လေးနှစ်မြောက် မွေးနေ့အခမ်းအနားကို အမှတ်တရအနေနဲ့ ကျင်း ပ ပေးဖို့ပါ။ ဒီလိုအစီအစဉ်ပဲ ရှိပါတယ်။

စည်းလုံးညီညွတ်သော ပြည်ထောင်စုတိုင်းရင်းသားနိုင်ငံရေးပါတီများ မဟာမိတ်အဖွဲ့ (ယူအဲန်အေ) မှ ဒီမိုကရေစီ အရေး၊ တိုင်းရင်းသားများအရေးကို တောင်းဆိုလှုပ်ရှားမှုကြောင့် ထောင်ကျခံနေရသည့် ဦးခွန်ထွန်းဦးအား သတိ ယခြင်း ဂုဏ်ပြုခြင်းအားဖြင့် ကျင်းပခြင်းဖြစ်ကြောင်း ကျေညာချက် တစ်စောင်ထုတ်ပြန်ခဲ့သည်။

ဒီမွေးနေ့အထိမ်းအမှတ်သည် ဒီမိုကရေစီအရေး ပြည်သူဆန္ဒဖေါ်ထုတ်ရေးတွင် ပါဝင်ပတ်သက်သူများ ဖမ်းဆီးခံထားရသူ လုပ်ဖော်ကိုင်ဖက်များနှင့် ၀န်ရံ လုပ်ဆောင်သွားမည်ဖြစ်ကြောင်း၊ မတရားချူပ် နှောင်ဖမ်းဆီးခံထားရသူ များအား လွတ်မြောက်ရန် ဆန္ဒပြတောင်းဆိုခြင်း ဆုတောင်းမေတ္တာပို့သ ခြင်းသည် ကမ္ဘာတ၀ှမ်းလုံး၏ ယဉ်ကျေးသော လူ့အဖွဲ့အစည်း၏ တာဝန်ဖြစ်သည့်အတွက် ဦးခွန်ထွန်း ဦးအပါအ၀င် အဖမ်းဆီးအထိန်းသိမ်းခံ နိုင်ငံရေးအကျဉ်းသားအားလုံးချွင်းချက်မရှိလွတ်ပေးရန်နှင့် ရှေ့ဆက်လျှောက်လှမ်းမည့် နိုင်ငံရေးခရီးစဉ်တွင် ရဟန်းရှင် ကျောင်းသားကျောင်းသူများ၏ အင်အား ကို အခြေပြုပြီး ဒီမိုကရေစီအင်အားစုများနှင့် ချစ်ကြည် ညီညွတ်စွာလက်တွဲကာ နိုင်ငံရေးအကျဉ်းသား အားလုံးလွတ်မြောက်ရေးနှင့် ဒီမိုကရေစီရရှိရေးတို့အတွက် ဆက်လက်ကြိုးပမ်းသွားမည် ဟု ကြေညာ ချက်တွင် ရေးသားဖေါ်ပြထားသည်။

၂၀၀၅ ခုနှစ် နိုဝင်ဘာလတွင် နိုင်ငံရေးပြုပြင်ပြောင်းလဲမှုများ ဖြစ်ပေါ်လာနိုင်ရေးအတွက် ငြိမ်းချမ်းစွာဆောင်ရွက် ခဲ့သော ဦးခွန်ထွန်းဦး အပါအ၀င် ရှမ်းပြည်နယ်ရှိ နိုင်ငံရေးခေါင်ဆောင်များက်ို နိုင်ငံတော်ပုန်ကန်မှုဖြစ်သော တရားမ၀င် စုရုံးမှုဖြင့် စစ်အစိုးရက ဖမ်းဆီး၍ နှစ်ရှည်ထောင်ဒဏ်များ ချမှတ်ခဲ့သည်။

ဦးခွန်ထွန်းဦးသည် ကချင်ပြည်နယ် ပူတာအိုအကျဉ်းထောင်အတွင်း၌ ထောင်ဒဏ် ၉၃ နှစ် ကျခံနေရသည်။

ရှမ်းအမျိုးသား ဒီမိုကရေစီ အဖွဲ့ချူပ်၏ အထွေထွေအတွင်းရေးမှူး ဦးစိုင်းနွတ် ခေါ် ဦးစိုင်းညွန့်လွင်အား ထောင် ၈၅ နှစ်၊ အပစ်ရပ်စဲထားသော ရှမ်းပြည်တပ်မတော် (မြောက်ပိုင်း) မှ ဗိုလ်ချူပ်ဆေထင်အား ထောင် ၁၀၆ နှစ် နှင့် အခြား ရှမ်းပြည်နယ်မှ နိုင်ငံရေးခေါင်ဆောင်များအား ၇၅ နှစ်စီ အသီးသီး ချမှတ်ခံခဲ့ရသည်။

ယခုနှစ် ဖေဖေါ်ဝါရီလ ၁၂ ရက်နေ့ကလည်း စည်းလုံးညီညွတ်သော ပြည်ထောင်စုတိုင်းရင်းသားများ မဟာမိတ် အဖွဲ့ (ယူအဲန်အေ) သည် အမျိုးသားဒီမိုကရေစီအဖွဲ့ချူပ်၊ ၀ါရင့်နိုင်ငံရေးသမားများ၊ ၈၈ မျိုးဆက်ကျောင်းသား များနှင့်အတူ နှစ် ၆၀ ပြည့် ပြည်ထောင်စုနေ့ ညစားစားပွဲကို ရန်ကင်းမြို့နယ်ရှိ ထမင်းဆိုင်တဆိုင်တွင် ကျင်းပရန် စီစဉ်ခဲ့မှုကို အာဏာပိုင်များက တားဆီးပိတ်ပင်ခဲ့သည်။