လောင်စာဈေး ရုတ်တရက်မြှင့်၍ ခရီးသွားများ အခက်တွေ့

သတင်းနှင့် မီဒီယာကွန်ယက်။
သြဂုတ်လ ၁၅ ရက်၊ ၂၀၀၇ခုနှစ်။

မြန်မာစစ်အစိုးရက လောင်စာဆီဈေးနှုန်းများကို ကြိုတင်အကြောင်းကြားမှုမရှိဘဲ ၆၆ ရာနှုန်းမှ ၅၀၀ ရာနှုန်းအ ထိ မြှင့်တင်လိုက်၍ လိုင်းကားစီးခရီးသွား ပြည်သူများ အခက်အခဲနှင့် ရင်ဆိုင်နေကြရသည်။

အစိုးရ အရောင်းဆိုင်များတွင် ယနေ့နံနက်မှ စတင်၍ ဓါတ်ဆီ၊ ဒီဇယ်နှင့် စီအဲန်ဂျီခေါ် ဓါတ်ငွေ့ရည်ဈေးနှုန်း များကို ရုတ်တရက် ဈေးနှုန်း တိုးမြှင့်သတ်မှတ်ခဲ့သည်ဟု ရန်ကုန်မြို့ခံတဦးက ယခုလို ပြောသည်။

“ဓါတ်ဆီက တထောင့်ငါးရာကနေ နှစ်ထောင့်ငါးရာ၊ တဂါလန်ကို။ ဒီဇယ်က ဒီဇယ်က တထောင့်ငါးရာ ကနေပြီးတော့ သုံးထောင်၊ တဂါလံကို၊ စီအဲန်ဂျီက ဓါတ်ငွေ့အိုး တအိုးကို ငါးရာကနေပြီးတော့မှ သုံးထောင် ငါးရာ။ အဲဒါတော့ အရမ်းဒီမှာ ဂယက်ရိုက်နေတယ်ဗျ။ ”

အစိုးရမှ ကြိုတင်ကြေညာခြင်းမရှိဘဲ လောင်စာဈေးနှုန်းများတိုးမြှင့်လိုက်၍ ကားခမြင့်တက်သွားသဖြင့် ရန်ကုန် မြို့မှ အလုပ်သွားသော ခရီးသည်များနှင့် ဘတ်စ်ကားသမားများအကြား ပြဿနာဖြစ်ကြရသလို အချို့ခရီးသည် များမှာ ကားခမတတ်နိုင်သဖြင့် အလုပ်မသွားတော့ဘဲ အိမ်ပြန်ကြရသည်ဟု ရန်ကုန်မြို့ခံများက ပြောသည်။

လောင်စာဈေးနှုန်းများမြင့်တက်သွားသဖြင့် ပုံမှန်ပြေးဆွဲနေသော လိုင်းကားအချို့ ရပ်ဆိုင်းထားသလို ကားခမှာ လည်း ၅ဆခန့် တက်သွားသည်ဟု နေ့စဉ်လိုင်းကားနှင့် ခရီးသွားရသော ရုံးဝန်ထမ်းအမျိုးသမီးတဦးက ပြော သည်။

“မနက်ကိုးနာရီလောက်ကနေ ကားစောင့်လိုက်တာ ဆယ်နာရီခွဲထိ ကားကမလာဘူးလေ။ လာတဲ့ ကား ပေါ်တက်စီးလိုက်တော့ ကားပေါ်မှာ နှစ်ရာပေးခဲ့ရတယ်။ ခါတိုင်းက ပုံမှန်ဆို လေးဆယ်ပဲလေ။”

ကားခများ ယင်းသို့ ဈေးမြင့်တက်လာမှုကြောင့် လစာနည်းဝန်ထမ်းများမှာ နေ့စဉ် အလုပ်သွားရန် အခက်အခဲ ဖြစ်လာနေသည်။

ယခုကဲ့သို့ လူထုအားအသိပေးညှိနှိုင်းမှုမရှိဘဲ လောင်စာ ဈေးနှုန်းများအဆမတန်တိုးမြှင့်လိုက်ခြင်းသည် မြန်မာ ပြည်သူများ၏ အခြေခံအခွင့်အရေးများဆုံးရှုံးနေရခြင်းကို ထင်ရှားစေကြောင်း ၈၈မျိုးဆက် ကျောင်းသားခေါင်း ဆောင် မင်းကိုနိုင်က သုံးသပ်သည်။

“နိုင်ငံတကာမှာ ဖွံ့ဖြိုးပြီးတဲ့ နိုင်ငံတွေမှာ ဆိုပါတော့ဗျာ ။ ဆင့်(Cent)နဲ့ တက်ရမယ့် ဓါတ်ဆီဈေးကို တဒေါ်လာရဲ့အစိတ်အပိုင်းလေး တက်ဖို့ အရေးကိုတောင်မှ သူတို့မှာ ကြိုတင်ပြီးတော့ ဆွေးနွေးရ တယ်။ ညှိနှိုင်းမှုတွေလုပ်ရတယ်။ အဲဒီအပေါ်မှာ ဆွေးနွေးမှုတွေကို ကျယ်ကျယ်ပြန့်ပြန့်လုပ်ပြီးမှ သတ်မှတ်ရတယ်။ ကျနော်တို့ဆီမှာ အဲလောက်ထိတက်သွားတဲ့ကိစ္စမှာ နိုင်ငံသားတွေအနေနဲ့ ပြော ခွင့်ဆိုခွင့်တခုမှ မရှိဘဲနဲ့ ကျနော်တို့ နိုင်ငံသားတွေဟာ အာဏာပိုင်တွေရဲ့ လက်ထဲမှာ သွန်လိုသွန် မှောက်လိုမှောက် အနေအထား ပိုပြီးတော့ ပေါ်လွင်လာတယ်လို့ ကျနော်မြင်တယ်။ ”

လောလောဆည်တွင် အခြားအခြေခံစားကုန်ပစ္စည်းဈေးများ ဈေးမတက်သေးသော်လည်း သယ်ယူပို့ဆောင်ခ မြင့်မားလာမှုနှင့်အတူ ကုန်ဈေးနှုန်းများ ကြီးမြင့်လာမည်ကို လူထုက စိုးရိမ်ပူပန်နေကြောင်း ရန်ကုန်ဒေသခံများ က ပြောသည်။

မြန်မာပြည်တွင် ဓါတ်ဆီ၊ ဒီဇယ်နှင့် စီအဲန်ဂျီခေါ် စက်သုံးလောင်စာများကို အစိုးရမှ ချုပ်ကိုင်၍ ရောင်းချပေးပြီး ယခုကဲ့သို့ ဈေးနှုန်းမြင့်တင်ရောင်းချရခြင်းအကြောင်းရင်းကို သတင်းထုတ်ပြန်ခြင်းမရှိပေ။

လွန်ခဲ့သော ၂၀၀၅ ခုနှစ် အောက်တိုဘာလကလည်း  ဓါတ်ဆီဈေးကို ယခင် ကျပ် ၁၈၀မှ ကျပ် ၁၅၀၀ကျပ်အထိ ၉ဆ( ၉၀၀ရာခိုင်နှုန်း) မြှင့်တင်ခဲ့ဖူးသည်။