ရှမ်းပြည်တောင်ပိုင်းတွင် ဒေသခံတပ်မှူးက မဲရုံမှူးများကို အတင်းအကျပ် ခန့်အပ်

ခွန်အောင်မြတ်။
မတ်လ ၁၈ ရက်၊ ၂၀၀၈ ခုနှစ်။

ရှမ်းပြည်တောင်ပိုင်း မောက်မယ်မြို့နယ်ရှိ ကျေးရွာအုပ်စုတိုင်းတွင် လူထုဆန္ဒခံယူပွဲအတွက် မဲရုံဖွင့်လှစ်ရန် ဒေသ ခံတပ်ရင်းမှူးက မဲရုံတရုံတွင် ကော်မရှင်အဖွဲ့ဝင် (၂၅) ဦးစီ အတင်းအကျပ် ရွေးချယ်ခဲ့သည်ဟု ယင်းဒေသတွင် လှုပ်ရှားနေသည့် ပအိုဝ်းလက်နက် ကိုင်အဖွဲ့၏ နိုင်ငံရေးတာဝန်ခံက ပြောသည်။

မောက်မယ်အခြေစိုက် တပ်ရင်း ၁၃၂ ၏ တပ်ရင်းမှူး ဒု-ဗိုလ်မှူးကြီး ရဲထွန်းနိုင်က မဲရုံစောင့်ရန်အတွက် မူလ တန်းအောင်ထားသူများကို စာရင်းသွင်းကြရန် ယခုလ ၁၆ ရက်နေ့က စေခိုင်းခဲ့ခြင်းဖြစ်သည်။ သို့သော် ကျေးရွာ လူထုက စာရင်းမသွင်း၍ ၄င်း ကိုယ်တိုင် စိတ်ကြိုက် ရွေးချယ်ခဲ့သည်ဟု ပအိုဝ်းအမျိုးသား လွတ်မြောက်ရေး အဖွဲ့၏ နိုင်ငံရေးနှင့် စီးပွားရေး တာဝန်ခံ ဗိုလ်မှူး ခွန်အုန်းမောင်က ပြောသည်။

“သူတို့စိတ်ကြိုက်ရွေးချယ်တယ်ဆိုတာကတော့ သူတို့စိတ်ထင် လုပ်နိုင်တဲ့လူတွေပေါ့။ အဲလိုမျိုးကို ရွေးချယ်ထားတာ။ ဒါပေမယ့် အရွေးခံရတဲ့ လူတွေကလည်း လုပ်ချင်စိတ် မရှိဘူး။ ရှင်းရှင်းပြော ရင် တော့ သူတို့ပြောထားတာ ဥပမာ ဒီသူတို့ အုပ်စုထဲကနေ ကန့်ကွက်မဲ ပါလာမယ်ဆိုလို့ရှိရင် အဲဒီ (၂၅) ယောက်က အပြစ်ထိမယ်ပေါ့၊ ဒဏ်ခံရမယ်ပေါ့၊ နာမယ် အဲလိုမျိုး သူတို့ပြောထားတာပေါ့။ အဲဒါ ဘယ်သူမှ မလုပ်ချင်ကြဘူး။ သူတို့က အတင်းခန့်ထားတဲ့ သဘောမျိုးပေါ့။”

မောက်မယ်မြို့တွင် ကျေးရွာအုပ်စု ၁၈ စု ရှိပြီး ဆန္ဒခံယူပွဲအတွက် မဲရုံ (၁၈)ရုံ ဖွင့်လှစ်မည်ဖြစ်သည်။ မဲရုံ ကော်မရှင် စာရင်းကို လာမည့် တပ်မတော်နေ့ မတိုင်မီ အရှေ့ပိုင်းတိုင်းစစ်ဌာနချုပ်၏ တိုင်းမှူးထံသို့ အရောက် ပို့ပေးရမည်ဟု တပ်ရင်း ၁၃၂ ၏ တပ်ရင်းမှူးက အမိန့်ထုတ်ထားသည်။

ဒေသခံများသည် မြန်မာစစ်အစိုးရ ရေးဆွဲထားသည့် ဖွဲ့စည်းပုံအခြေခံဥပဒေမူကြမ်း အကြောင်းကို နားမလည် ကြသလို ယခင် လူထုဆန္ဒကောက်ခံပွဲများတွင်လည်း မဲထည့်ဖူးခြင်း မရှိဟု ဗိုလ်မှူး ခွန်အုန်းမောင်က ပြောသည်။

“ဒီ ဖွဲ့စည်းပုံအခြေခံဥပဒေဆိုတာ ဘာမှန်းကိုလူထုတွေက မသိသေးဘူး။ ဒီမဲပေးမယ် ဘာညာဆိုတာ က အဲဒီဒေသခံတွေက အတွေ့အကြုံကို မရှိဖူးတာ။ ဥပမာ ၇၄ တုန်းက ဆိုရင်လည်း အဲဒီဒေသက အနက်ရောင် နယ်မြေဆိုပြီးတော့မှ မဲမပေးရဘူး။ အဲဒီ ဒေသ မဲမရဘူး။ အဲလိုအနေအထားဆိုတော့ အခုက လူထု ဆန္ဒခံယူပွဲ ဆိုတော့ လူထုက အခြေအနေကို တိတိကျကျ ဘာမှန်းကို မသိကြသေးဘူး။ သူတို့က လိုက်လုပ်တဲ့ အနေအထား လိုက်ပြောတဲ့အနေအထား အဲလောက်ပဲ ရှိသေးတယ်။ သူတို့က ဘာမဲပေးမယ် ဆိုတာ မသိနိုင်တဲ့ အခြေအနေဖြစ်နေတယ်။”

မောက်မယ်မြို့နယ်ရှိ ဟိုနမ်း၊ ပန်းသာ၊ ကဒူးကြီး၊ နားဟီး၊ ဘန်းမ၊ နားမွန်း စသည့် ကျေးရွာအုပ်စု ၁၈ အုပ်စုရှိပြီး ပအိုဝ်း၊ ရှမ်းနှင့် ကယား(ကရင်နီ)လူမျိုးများ အများစု နေထုိုင်ကြသည်။ ယင်းဒေသသည် ယခင်က အနက်ရောင် နယ်မြေအဖြစ် သတ်မှတ်ထား ကြပြီး ၁၉၉၀ အထွေထွေရွေးကောက်ပွဲတွင် မဲထည့်ခွင့် မရရှိခဲ့ပေ။

ရှမ်းပြည်နယ်တောင်ပိုင်း ပအိုဝ်းအမျိုးသားများနေထိုင်ရာ ဒေသများတွင်  ပြည်ထောင်စု ကြံ့ခိုင်ဖွံ့ဖြိုးရေးအသင်း နှင့် ဒေသခံ အာဏာပိုင်များက အသက် ၁၈ နှစ်ပြည့်သူတိုင်း မှတ်ပုံတင် ပြုလုပ်ပေးပြီး ဆန္ဒခံယူပွဲတွင် ထောက် ခံမဲပေးကြရန် စည်းရုံးလှုံဆော်နေသည်။ မြန်မာစစ်အစိုးရနှင့် အပစ်ခတ်ရပ်စဲထားသည့် ပအိုဝ်းအမျိုးသား အဖွဲ့ ချုပ်၏ ဥက္ကဌ ဗိုလ်မှူးအောင်ခမ်းထီသည် ရှမ်းပြည်နယ်  ပြည်ထောင်စု ကြံ့ခိုင်ဖွံ့ဖြိုးရေး အသင်း၏ နာယက တဦး ဖြစ်သည်။

မြန်မာစစ်အစိုးရက လာမည့် မေလတွင် အခြေခံဥပဒေကို အတည်ပြုမည့် လူထုဆန္ဒခံယူပွဲ ကျင်းပမည်ဟု ကြေ ညာထားသော်လည်း ရက်အတိအကျထုတ်ပြန်ခြင်း မရှိသေးပေ။