သံဃာများ သပိတ်ကို မှောက်ခုံကိုင်ဆောင်၍ စီတန်းလမ်းလျှောက်ဆန္ဒပြ

အောင်မိုးမြင့်။
စက်တင်ဘာလ ၁၈ ရက်၊ ၂၀၀၇ ခုနှစ်။

ကျောက်ပန်းတောင်းမြို့ စိတ္တပါလဂူကျောင်းတိုက်မှ သံဃာတော် အပါး ၁၀၀ ခန့် သည် ယနေ့နံနက်တွင် မြို့ တွင်း လှည့်လယ်၍ မေတ္တာပို့ စီတန်း ကြွချီ ဆန္ဒပြကြကြောင်းသိရသည်။

သံဃာတော်များ စီတန်းကြွချီဆန္ဒပြမှုကို ယနေ့နံနက် ၈ နာရီတွင် ကျောက်ပန်းတောင်းမြို့ဈေးမှ စတင်ခဲ့သည် ဟု ကျောက်ပန်းတောင်းမှ သံဃာတစ်ပါးက ပြောသည်။

ဒီနေ့မနက် မြို့ထဲကို ပတ်ပြီးတော့ သပိတ်တွေပိုက်ပြီးတော့ ပရိတ်ရွတ်တယ်။ ပရိတ်ရွတ်ပြီးတော့ မြို့ ထဲကို လှည့်လည်ပြီးတော့ ကြွကြတယ်ပေါ့၊ တန်းစီပြီးတော့။ ကြွပြီးတော့ သပိတ်တွေကိုင်ပြီးတော့ သူ တို့ သပိတ်တွေတောင်ပဲ ရိုးရိုးသာမန်ကိုင်နေကြမဟုတ်ပဲနဲ့ သပိတ်တွေကိုမှောက်ပြီးတော့ ကိုင် သွား တယ်လို့ ကြားတယ်။

သပိတ်မှောက်၍ စီတန်းကြွချီဆန္ဒပြမှုကို အစိုးရ အာဏာပိုင်များက လိုက်လံနှောက်ယှက်ခြင်းမရှိဘဲ နောက် ရောင်ခံ လိုက်ကြည့်ခြင်းမျှသာရှိပြီး ပြည်သူလူထုမှ အားပေးကူညီကာကွယ်မှုများ ရှိခဲ့သည်ဟု အဆိုပါ သံဃာက ဆက်လက်မိန့်ကြားသည်။

ဒီဘုန်းကြီးတွေ နောက်ကနေပြီးတော့ လူအယောက် ၅၀၀ လောက်ရှိမယ် ဆိုင်ကယ် ၊စက်ဘီး စသည် ဖြင့် လိုက်ကြည့်ကြတာ။ ဘာလို့ လိုက်ကြည့်ကြတာတုံးလို့ မေးတဲ့အခါ တပည့်တော်တို့ကတဲ့ ဦးဇင်း တို့ ထိတာနဲ့တပြိုင်းတည်း၊ ဦးဇင်းတို့လုပ်တာနဲ့တပြိုင်းတည်း တပည့်တော်က ၀င်ချမှာတဲ့ ၀င်လုပ် မှာတဲ့၊ ဦးဇင်းတို့ ထိရင်၊ ဘုန်းကြီးတွေထိရင်တော့ မခံဘူးတဲ့၊ ဒါကာကြီးက ဦးဇင်းကို လျှောက်တယ် ဒါကာကြီး။

ယနေ့မွန်းလွဲပိုင်းတွင်လည်း ကျောက်ပန်းတောင်းမြို့ပေါ်တွင်ရှိသည့် ကျောင်းတိုက်ကြီး များတွင် စုဝေး၍ ကမ္မ၀ါ ဖတ်၍သပိတ်မှောက်ကံဆောင်ကြရန် စီစဉ် နိုးဆော်ထားသည်ဟု သိရသည်။