ဆွေးနွေးရန် ကြိုးပမ်းစဉ် စစ်အင်အားတိုးချဲ့မည်ဟု အက်စ်အက်စ်အေ-တောင်ပိုင်း ဆုံးဖြတ်

သတင်းနှင့် မီဒီယာကွန်ယက်။                                                                                             ဇွန်လ ၁၉ရက်၊ ၂၀၀၇ခုနှစ်။

ရှမ်းပြည်တပ်မတော်-တောင်ပိုင်း (SSA-တောင်ပိုင်း)၏ ခြောက်လပတ် အစည်းအဝေးကို ယခုအပတ် အစောပိုင်း တွင် ကျင်းပခဲ့ပြီး နအဖစစ်အစိုးရနှင့် တွေ့ဆုံဆွေးနွေးရေးကို ဆက်လက်ကြိုးပမ်းသွားရန်နှင့် တချိန်တည်းတွင် စစ်အင်အား တိုးမြှင့်တည်ဆောက် သွား ရန် ဆုံးဖြတ်ခဲ့သည်။

လွိုင်တန်းလျန်းရှိ အက်စ်အက်စ်အေ-တောင်ပိုင်းဌာနချုပ်တွင် ယခုလ ၁၄ရက်စ၍ နှစ်ရက်ကြာကျင်းပခဲ့သော အ စည်းအဝေး၌ ယင်းသို့ ဆုံးဖြတ်ခဲ့ခြင်း ဖြစ်သည်။

တွေ့ဆုံဆွေးနွေးရန် ကြိုးပမ်းနေစဉ် စစ်အင်အားတိုးမြှင့်တည်ဆောက်ရန် ဆုံးဖြတ်ရခြင်း နှင့် ပတ်သက်၍ “ဒီ ဟာက စစ်ရေးပိုင်းလေ၊ စစ်ရေးပိုင်းကတော့ ကိုယ်က စုဆောင်းရမှာပဲ၊ ဒါပေမယ့် အတတ်နိုင်ဆုံး က တော့ နိုင်ငံရေးနည်းလမ်းကို နိုင်ငံရေးနည်းနဲ့ ဖြေရှင်းဖို့ ကြိုးစားမယ်။ အကယ်၍ မတတ်နိုင်တဲ့ အ ဆုံးတော့လည်း စစ်ရေးဆို စစ်ရေးပေါ့၊” ဟု SSA -တောင်ပိုင်း၏ လက်ထောက်ပြောရေးဆိုခွင့်ရှိသူ ဗိုလ် စိုင်းစံမိန်းက ပြောသည်။

ယင်း ၆လပတ် အစည်းအဝေးတွင် ပြီးခဲ့သော နှစ်ဝက်မှ လုပ်ငန်း အကောင်အထည် ဖေါ်မှုများကို ပြန်လည် သုံးသပ်ခဲ့ပြီး စစ်အင်အား ထပ်မံဖြည့်ဆည်းရန်၊ နအဖစစ်အစိုးရနှင့် နိုင်ငံရေးကို နိုင်ငံရေးနည်းဖြင့် ဖြေရှင်းရန်နှင့် ရှမ်းပြည်နယ် အတွင်းရှိ တိုင်းရင်းသားများ အကြား စည်းလုံးညီညွတ်မှုရရှိရေးကို ကြိုးပမ်းသွားရန်တို့ကို ဆုံးဖြတ်ခဲ့သည်။

အစည်းအဝေးသို့ SSA-တောင်ပိုင်း၏ နိုင်ငံရေးဦးဆောင်အဖွဲ့ဖြစ်သော ရှမ်းပြည်ပြန်လည် တည်ဆောက်ရေး ကောင်စီ(RCSS)၏ ဥက္ကဌ ဗိုလ်မှုးကြီး ယွတ်ဆစ်နှင့်အတူ ဒုဥက္ကဌ၊ SSA-တောင်ပိုင်း၏ စစ်ဦးချုပ်၊ စစ်ရေး ကော်မတီနှင့် ဗဟိုဌာနချုပ်မှ ဌာနဆိုင်ရာ ကော်မတီများမှ ကိုယ်စားလှယ်များ တက်ရောက်ခဲ့သည်။

လွန်ခဲ့သောလ ၂၃ရက်နေ့က SSA-တောင်ပိုင်းနှင့် နအဖစစ်အစိုးရ ကိုယ်စားလှယ်များ အကြား တွေ့ဆုံဆွေး နွေးရန် ချိန်းဆိုခဲ့သော်လည်း စစ်အစိုးရဖက်မှ လာရောက်ရန် ပျက်ကွက်ခဲ့သဖြင့် ဆွေးနွေးပွဲ မအောင်မြင်ခဲ့ပေ။

SSA-တောင်ပိုင်းသည်  ခွန်ဆာခေါင်းဆောင်သော မော်ထိုင်းတပ်မတော်က ၁၉၉၆ခုနှစ် တွင် နအဖ စစ်အစိုးရထံ လက်နက်ချသွားချိန်၌ သီးခြားခွဲထွက်ကာ စစ်အစိုးရကို ဆက်လက်၍ တော်လှန်တိုက်ခိုက်နေသော တပ်ဖွဲ့ဖြစ် သည်။