ဂျပန် စက္ကူခေါက် လေယာဉ်ပြိုင်ပွဲ ထိုင်းနိုင်ငံကိုယ်စား မောင်ထောင်းဒီ တတိယဆု ဆွတ်ခူး

နွယ်လေး။
စက်တင်ဘာလ ၂၁ ရက်၊၂၀၀၉ ခုနှစ်။

ဂျပန် နိုင်ငံတွင် ကျင်းပသည့် အိုရီဂါမီ စက္ကူဖြင့် ပြုလုပ်သော လေယာဉ်ပြိုင်ပွဲတွင် မြန်မာနိုင်ငံသား မိဘက မွေး ဖွားသည့် အသက် ၁၂ နှစ်အရွယ် မောင်ထောင်းဒီ က ထိုင်းနိုင်ငံ ကိုယ်စားပြုပြီး ၀င်ရောက်ယှဉ်ပြိုင်ရာ တတိယ ဆု ရရှိခဲ့သည်။

ဂျပန်နိုင်ငံတွင် ပြီးခဲ့သည့် စနေနေ့က ကျင်းပသည့် ပြိုင်ပွဲတွင် မောင်ထောင်းဒီ၏ စက္ကူခေါက် လေယာဉ်သည် လေထဲတွင် ၁၀.၅၃ စက္ကန့်ကြာ ပျံဝဲနိုင်ပြီး ဆုရခဲ့ခြင်းဖြစ်သည်။

မောင်ထောင်းဒီသည် တဦးချင်းယှဉ်ပြိုင်ရာတွင် တတိယဆု ရရှိခဲ့သော်လည်း တဖွဲ့သုံးဦး အသင်းလိုက် ယှဉ်ပြိုင် ရာတွင် ပထမဆု ရရှိခဲ့သည်။

မောင်ထောင်းဒီ ၏ ဆရာမ ၀ီရတ် ချနီး က သူမ၏ တပည့်ဖြစ်သူ ယခုလိုအောင်မြင်မှု ရရှိခြင်းအတွက် ၀မ်းသာမိ ကြောင်း ယခုလို ပြောသည်။

“၀မ်းသာတယ်။ ပီတိဖြစ်မိတာပေါ့။ ကိုယ့်တပည့်လေးက ထိုင်းနိုင်ငံကိုယ်စား နာမည်ရအောင် ခုလို လုပ်နိုင်ခဲ့တဲ့အတွက်။ ထိုင်းနိုင်ငံတွက် လူငယ်ကောင်း တစ်ယောက်ဖြစ်သွားစေချင်တယ်။”

သုဝဏ္ဏဘူမိလေဆိပ်သို့ သွားရောက်ကြိုဆိုသည့် မောင်ထောင်းဒီ ၏ ဖခင် စိုင်းညွန့်က “တကယ်အရမ်းပဲ ပီတိ ဖြစ်မိတယ်။ ထိုင်းဘုရင်မ ကိုယ်တိုင်လဲလာကြိုပြီး တာဝန်ရှိတွေ ကလည်း တလျှောက်လုံး ကူညီစောင့် ရှောက်ပေးတယ်။” ဟုပြောသည်။

သုဝဏ္ဏ ဘူမိလေဆိပ်သို့ ယနေ့ ၃ နာရီတွင် ပြန်လည် ရောက်ရှိလာသည့် မောင်ထောင်းဒီ က “ထိုင်းနိုင်ငံ ကိုယ်စား အကောင်းဆုံးကို ကျနော် လုပ်နိုင်ခဲ့ပြီ။ ကျနော့် အိပ်မက်ကို အကောင်အထည်ဖော်နိုင်ခဲ့ပြီ။ အခုကျနော့် အတွေ့အကြုံဟာ စံပြအဖြစ် မောင်ညီမငယ်တွေ အတွက် နမူနာပြနိုင်ပြီပေါ့။” ဟု ထိုင်းသ တင်းတွင် ပြောဆိုသွားသည်။

မောင်ထောင်းဒီသည် ပြီးခဲ့သည့် သြဂုတ်လ ဘန်ကောက်တွင် ကျင်းပသည့် စက္ကူခေါက် လေယာဉ်ပြိုင်ပွဲ၌ သူ၏ စက္ကူခေါက်လေယာဉ်သည် လေထဲတွင် ၁၂.၅၀ စက္ကန့်ကြာ ပျံဝဲနိုင် သဖြင့် ပထမဆု ရရှိပြီး ဂျပန်နိုင်ငံသို့ သွား ရောက် ယှဉ်ပြိုင်ရန် ဖိတ်ကြားခြင်းခံခဲ့ ရသည့် ချင်းမိုင်မြို့ရှိ ဟွေ့ဆိုင်းကျောင်းတွင် စတုတ္တတန်း ပညာသင်ကြား နေသူ တစ်ဦးဖြစ် သည်။

မောင်ထောင်းဒီသည် ထိုင်းနိုင်ငံသား မဟုတ်သည့်အတွက် ထိုင်းပြည်ထဲ ရေးဝန်ကြီးဌာနက နိုင်ငံကူးလက်မှတ် ထုတ်ပေးရန် ငြင်းပယ်ပြီး ထိုင်းနိုင်ငံ ၀န်ကြီးချုပ်ကိုယ်တိုင် ကြားဝင်ညှိနှိုင်း ပေးမှုဖြင့် စက်တင်ဘာ(၃)ရက်နေ့တွင် ထိုင်းနိုင်ငံကိုယ်စား သွားရောက် ယှဉ်ပြိုင် ခွင့်ပြုလိုက်သဖြင့် ပြီးခဲ့သည့် စက်တင်ဘာလ ၁၆ ရက်နေ့တွင် ဂျပန် နိုင်ငံသို့ သွားရောက်ခဲ့သည်။

ဂျပန်နိုင်ငံတွင် ယခုကဲ့သို့ အိုရီဂါမီ စက္ကူဖြင့် ပြုလုပ်သည့် လေယာဉ်ပြိုင်ပွဲကို ဒုတိယ အကြိမ်ကျင်းပခြင်းဖြစ်ပြီး တတိယဆုကို ထိုင်းနိုင်ငံကရရှိပြီး ဒုတိယဆုနှင့် ပထမဆုကို ဂျပန် နိုင်ငံမှ ဆွတ်ခူး ရရှိသည်။