၈၈မျိုးဆက်က ကျောင်းသားခေါင်းဆောင်များအားဖမ်းဆီးမှုကို ရှုတ်ချ

သတင်းနှင်မီဒီယာကွန်ယက်။
သြဂုတ်လ ၂၂ရက်၊ ၂၀၀၇ခုနှစ်။

၈၈ မျိုးဆက် ကျောင်းသားခေါင်းဆောင်များနှင့် ဒီမိုကရေစီရေး လှုပ်ရှားဆောင်ရွက်နေသူများအား မြန်မာစစ်အ စိုးရက ဖမ်းဆီးလိုက်ခြင်းကို ၈၈မျိုးဆက်ကျောင်းသားအဖွဲ့က ကန့်ကွက်ရှုတ်ချကြောင်း  ယနေ့ ကြေညာချက် ထုတ်ပြန်သည်။

ယင်းကြေညာချက်တွင် “ကိုမင်းကိုနိုင်၊ ကိုမင်းဇေယျာ၊ ကိုကိုကြီးတို့အပါအ၀င် ၈၈ မျိုးဆက်ကျောင်း သား ခေါင်ဆောင် များ ဒီမိုကရေစီအရေး ဆောင်ရွက်နေသူများအား ချွင်းချက်မရှိ အမြန်ဆုံး ပြန် လွတ်ပေးရန်နှင့် မြန်မာနိုင်ငံ၏ လက်ရှိ ကြုံတွေ့နေရသော စီးပွားရေး၊ နိုင်ငံရေးအကြပ်အတည်း များကို အမြန်ဆုံးဖြေရှင်းပေးရန် နယက စစ်အစိုးရအား အလေးအနက်တောင်းဆို” ထားသည်။

၈၈မျိုးဆက်ကျောင်းသားအဖွဲ့က ယခုကဲ့သို့ဖမ်းဆီးမှုသည် မြန်မာနိုင်ငံ၏ ငြိမ်ချမ်းစွာ အသွင်ကူးပြောင်းနိုင်ရေး ကြိုးပမ်းမှုကို နိုင်ငံရေးအရ အကြမ်းဖက်ခြင်းအဖြစ် ဖော်ပြပြီး ဒီမိုကရေစီထွန်းကားရေးအတွက် ရဟန်းရှင်လူ မိဘ ပြည်သူများနှင့် မျိုးဆက်သစ် ကျောင်းသားများကို ၄င်းတို့နှင့် အတူပူးပေါင်းဆောင်ရွက်ရန် တိုက်တွန်းထား သည်။

ယခုလ ၁၅ရက်နေ့တွင် စစ်အစိုးရက လောင်စာဆီဈေးနှုန်းများကို ကြေညာခြင်းမရှိဘဲ တိုးမြှင့်လိုက်၍ ကားခနှင့် ကုန်ဈေးနှုန်းများမြှင့်တက်လာသောကြောင့် ၈၈မျိုးဆက် ကျောင်းသားခေါင်းဆောင်များနှင့် ဒီမိုကရေစီရေး လှုပ် ရှားသူများက လောင်စာဆီ ဈေးနှုန်းများ ကျဆင်းရေးအတွက် ဆန္ဒပြတောင်းဆိုရန်  ပြင်ဆင်နေစဉ် ဖမ်းဆီးခံ လိုက်ရခြင်းဖြစ်သည်။

ယခုကဲ့သို့ ဖမ်းဆီးမှုနှင့် မြန်မာပြည်၏ ဘက်ပေါင်းစုံအကျပ်အတည်းများကို ဖြေရှင်း၍ မရနိုင်ဟု ၈၈မျိုးဆက် ကျောင်းသားခေါင်းဆောင် ကိုဌေးကြွယ်က သုံးသပ်သည်။

“လောင်စာဆီဈေးနှုန်းမြှင့်လိုက်တဲ့အပေါ်မှာ ဆက်တိုက်ဖြစ်လာတော့မယ့် ကုန်ဈေးနှုန်း အခြေအနေ တွေ၊ ဆက်တိုက်ဖြစ်လာတော့မယ့် အကျပ်အတည်းတွေက ကျနော်တို့ မြန်မာ ပြည်သူတွေပဲ ခံစားနေ ကြရတာပါ။ ဒါဟာ ဒီလို ရေတိုဖြေရှင်းမှုတွေနဲ့ မရဘဲနဲ့ တကယ့် စနစ်တခုရဲ့ ချို့ယွင်းချက်ကြောင့် ဆိုတဲ့ အခြေခံအကြောင်းတရားကို ကျနော်တို့ မြင်တတ်ဖို့ လိုအပ်ပါတယ်။ ဒီအခြေခံအကြောင်း တရားကိုမှ မပြင်ဘဲနဲ့ ဘယ်လိုနည်းနဲ့မှ ရေတိုဖြေရှင်း မှုတွေနဲ့ မရနိုင်ပါဘူး။”

ယမန်နေ့ဖမ်းဆီးမှုတွင်  ကိုဌေးကြွယ်သည် ဖမ်းဆီးမခံရဘဲ လွတ်မြောက်ကျန်ခဲ့သူ ၈၈မျိုးဆက်ကျောင်းသား ခေါင်းဆောင်တဦးဖြစ်သည်။

ယနေ့ထုတ်မြန်မာ့အလင်းသတင်းစာတွင် မင်းကိုနိုင်၊ ကိုကိုကြီး၊ ပြုံးချို (ခ)ဌေးဝင်းအောင်၊ မင်းဇေယျ၊ မြအေး(ခ)သူရ၊ ကျော်မင်းယု(ခ) ဂျင်မီ၊ ဇေယျ(ခ) ကုလားမ၊ ကျော်ကျော်ထွေး(ခ)မာကီး၊ အံဘွယ်ကျော်၊ ပဏ္ဍိတ်ထွန်း၊ ဇော်ဇော်မင်း၊ သက်ဇော်နှင့် ညဏ်လင်းတို့အား နိုင်ငံတော်တည်ငြိမ်မှုနှင့် လုံခြုံမှုထိခိုက်စေရန်နှင့် အမျိုးသား ညီလာခံ ပျက်ပြားစေရန် ရည်ရွယ်၍ ဆူပူအုံကြွမှုများဖန်တီးမှုဖြင့် ခေါ်ယူ ထိန်းသိမ်း မေးမြန်းစစ်ဆေး လျှက်ရှိ ကြောင်းဖော်ပြထားသည်။

လွန်ခဲ့သည်နှစ် စက်တင်ဘာလအတွင်းက ၈၈မျိုးဆက်ကျောင်းသားခေါင်းဆောင်များကို ပြည်ပရောက် အဖွဲ့အ စည်း များနှင့်နိုင်ငံခြားသံရုံးများနှင့် ဆက်သွယ်သည်ဟု စွပ်စွဲကာ ဖမ်းဆီးခဲ့ပြီး ၃လကျော်ထိန်းသိမ်းခဲ့သည်။