ဒီကေဘီအေနှင့် ကေအဲန်ယူအကြား တိုက်ပွဲဖြစ်ပွား

စောရန်နိုင်။

ဧပြီလ ၂၄ ရက်၊ ၂၀၀၇ ခုနှစ်။

ကရင် အမျိုးသားအစည်းအရုံး (ကေအဲန်ယူ) တပ်မဟာ ၆ နယ်မြေအတွင်းတွင် တိုးတက်သော ကရင်ဗုဒ္ဓဘာသာ တပ်ဖွဲ့ (ဒီကေဘီအေ) နှင့် ကေအဲန်ယူတို့အကြား ယနေ့ နံနက် ၅ နာရီ ခန့်က တိုက်ပွဲ လေးနေရာ ဖြစ်ပွားခဲ့ သည်။

ထိုင်းနိုင်ငံ ဖုတ်ဖတ် မြို့နယ် တဖက်ကမ်း ကရင်ပြည်နယ် ကော့ကရိတ်မြို့နယ် အတွင်းရှိ ကျောက်ခက်။ တာအုထ။ ကွီးလယ်စူးနှင့် လယ်ခေါ် ကျေးရွာ လေးရွာအနီးတွင် တိုက်ပွဲများ ဖြစ်ပွားခဲ့ပြီး ကျေးရွာများမှ ကလေး ငယ်များလည်း ထိခိုက်ဒဏ်ရာရမှုရှိခဲ့သည်ဟု ကေအဲန်ယူ တပ်မှူးတဦးက ပြောသည်။

ဒီကေဘီအေ တပ်ရင်း ၉၀၇ လက်အောက်ခံ တပ်များက ကေအဲန်ယူ၏ တပ်မဟာ ၆ လက် အောက်ခံ တပ်ရင်း ၁၀၃ နှင့် အထူးတပ်ရင်းတို့ အခြေစိုက် ဒေသများကို ၀င်ရောက် တိုက် ခိုက်ခဲ့ခြင်းဖြစ်သည်ဟု  ကေအဲန်ယူ ဗဟိုစည်းရုံးရေး နှင့် ပြန်ကြားရေးဌာန၏ အတွင်းရေးမှူး ဗိုလ်မှူး စောလှငွေ က ပြောသည်။

“ဒီကေဘီအေရဲ့ ၉၀၇ တွေပဲ၊ အင်အား တစ်ရာလောက် ရှိမယ်ထင်တယ်၊ အဲဒါက ကျနော်တို့ ကေအဲန်အယ်လ် အေ ၁၀၃ တပ်ရင်း လက်အောက်ခံပေါ့လေ၊ အဲဒီမှာ တပ်ခွဲ (၃) မှာရှိတဲ့ ရှေ့တန်းတပ်တွေပေါ့၊ ရှေ့တန်းမှာ အခြေစိုက်တဲ့ နေရာလေးတွေရယ်။ နောက်ပြီးတော့ ကျနော်တို့ ကေအဲန်အယ်လ်အေ တပ်မဟာ ၆ က ကျနော်တို့ ဒီဗဟို စစ်ကြောင်းပေါ့လေ။ ဗိုလ်မှူး လှမင်း လူတွေ နေတဲ့နေရာတွေ လေးနေရာလောက်မှာ မနက် ငါးနာရီလောက်က လာတက်တိုက်တယ်။”

ဒီကေဘီအေနှင့် နီးစပ်သူတဦးကမူ တိုက်ပွဲများ ယမန်နေ့ ညနေက စတင်ခဲ့ခြင်းဖြစ်သည်ဟု ယခုလိုပြောသည်။

“မနေ့ညကလည်းဖြစ်တယ်။ ဒီနေ့မနက်လည်းဖြစ်တယ်လို့တော့ ပြောတာပဲ၊ ဒီကေဘီအေ ၉၀၇ နဲ့ စောနယ်ဒါး နဲ့ နောက် ဗိုလ်လှမင်း တပ်မဟာ (၆) အဖွဲ့နဲ့ ကြိုကြားကြိုကြား ဖြစ်တာပဲပေါ့၊ ၉၀၇ တို့ ၉၀၆ တို့ကလည်း စုစည်းပြီးတော့ နအဖ စစ်ကြောင်းလေးကြောင်းနဲ့ ပေါင်းပြီးတော့ စောနယ်ဒါးရဲ့ နေရာကို တက်မယ်လေ၊ အဲဒီ ကြားမှာ ကြားဖြတ် ဗိုလ်လှမင်း ပျောက်ကျားနဲ့ သူတို့ တိုးနေတာပေါ့။”

ဒီကေဘီအေဖက်မှ ဦးဆောင်တိုက်ခိုက်သူ မှာ ဗိုလ်မှူး လားပွယ် ခေါ် ဗိုလ်မှူး နှုတ်ခမ်းမွေး ဦးဆောင်သော တပ်ရင်း ၉၀၇ မှ ဗျူဟာမှူး ဗိုလ်မောသို ဖြစ်ပြီး ၀င်ရောက် အတိုက် ခိုက်ခံရ သည့် ကေအဲန်ယူ တပ်မဟာ (၆) အထူး တပ်ရင်းမှ ဗိုလ်မှူး လှမင်းနှင့် ဆွေမျိုးတော်စပ်ပြီး တရွာတည်းသားများ ဖြစ်ကြသည်။

ယခုလ ၁၂ ရက်နေ့ကလည်း ကရင်အမျိုးသားတပ်မတော် (ကေအဲန်အယ်လ်အေ) တပ်ရင်း ၁၀၃ နယ်မြေတွင် အလားတူ တိုက်ပွဲတစ်ပွဲ ဖြစ်ပွားခဲ့သည်။

ယခုလ ၈ ရက်နေ့မှ ၁၀ ရက်နေ့အထိ ဗိုလ်မှူးချုပ် ထိန်မောင် ဦးဆောင်သည့် ကရင်ခွဲထွက် အဖွဲ့များနှင့် မြန်မာ စစ်တပ်တို့ ပူးပေါင်းပြီး ကေအဲန်ယူ တပ်မဟာ (၇) နယ်မြေကို ထိုးစစ် ဆင်ကာ တပ်မဟာ (၇) ၏ အဓိက ဗျူဟာ ကုန်းကို သိမ်းပိုက်နိုင်ခဲ့ပြီး ၁၁ ရက်နေ့မှစ၍ တပ်မဟာ (၆) ဘက်သို့ စတင်ထိုးစစ်ဆင် လာခဲ့ ခြင်း ဖြစ်သည်။

လွန်ခဲ့သည့် လအနည်းငယ်က တပ်မဟာ ၇ မှူးဟောင်း ဗိုလ်မှူးချုပ် ထိန်မောင်ဦးဆောင်ပြီး ကေအဲန်ယူ တပ်ဖွဲ့ အချို့ မြန်မာစစ်အစိုးရနှင့် ပူးပေါင်းသွားသည့် နောက်ပိုင်းတွင် မြန်မာစစ်တပ်၏ အကူအညီဖြင့် ကရင်ခွဲထွက် အဖွဲ့များက ကေအဲန်ယူအား ထိုးစစ်များ စတင်ခဲ့ခြင်းဖြစ်သည်။