|
မန္တလေး
ဇာတ်အဖွဲ့များ
မုန်တိုင်းဘေးရံပုံငွေ အဆိုအကဖြင့်ဖျော်ဖြေ
သီတာထွန်း။
မေလ ၂၉ ရက်၊
၂၀၀၈ ခုနှစ်။
မန္တလေးမြို့ရှိ
ဇာတ်သဘင် အစည်းအရုံးမှ ဇာတ်မင်းသားများက နာဂစ်စ် ဆိုင်ကလုန်း မုန်တိုင်းဒဏ်ခံရသော
လေဘေးဒုက္ခသည်များအတွက် အလှူငွေများကို
တီးဝိုင်းဆင်ထား သည့် ကားများပေါ်တွင် အဆိုအကများဖြင့် ဖျော်ဖြေရင်း အလှူငွေ
ကောက်ခံလျှက်ရှိ သည်။
မန္တလေးဇာတ်မင်းသားများက
မိမိတို့ အနုပညာစွမ်းအားဖြင့် လှည့်လည်ဖျော်ဖြေရင်း
အလှူခံနေကြခြင်းဖြစ်ပြီး ယခုလ (၂၆) ရက်နေ့မှ
(၃၀) ရက်နေ့ အထိ မြို့တွင်းလှည့်၍
အလှူခံသွားမည်ဟု ကြေညာကြောင်း
မျက်မြင် ကြုံတွေ့ရသူ
မန္တလေးမြို့ခံတဦးက
ပြောသည်။
“သူတို့က
လက်ကမ်းစာစောင်တွေ ဝေတယ်၊ နောက်ကားကြီးနဲ့
လိုက်အလှူခံတာ။ အသံချဲ့စက်တွေ
နဲ့ ဆိုကပြီးတော့ သူတို့ရတာတွေကို
ကြေလည်းကြေညာတယ်၊
တချို့ဆို အကျီင်္ီချွတ်လှူတယ်၊
သူတို့ ပါတဲ့ဟာ လှူသွားတယ်။”
အလှူငွေ ကောက်ခံရရှိသည့်ငွေသည် ပထမနေ့တွင်
ကျပ်(၇) သိန်းကျော်၊ ဒုတိယနေ့
တွင် (၁၅) သိန်းကျော်၊ နှစ်ရက်ကောက်ခံရရှိငွေမှာ
ကျပ်သိန်းနှစ်ဆယ်ကျော်နှင့် ပစ္စည်းမျိုးစုံ
ရရှိပြီးဖြစ်သည်ဟု ဇာတ်သဘင်အဖွဲ့က ကြေညာသည်။
ရရှိလာသည့် အလှူငွေများကို ခွင့်ပြုချက်ရမည်ဆိုပါက ဒုက္ခသည်များလက်တွင်းသို့
တိုက်ရိုက်လှူဒါန်းသွားမည် ဖြစ်သည်။ ထို့ပြင်
ဖျော်ဖြေရေးယာဉ်ကို ယူဆောင်သွားပြီး လေဘေးဒုက္ခသည်များဆီသို့
သွားရာ လမ်းတလျှောက်တွင် ဖျော်ဖြေရင်း အလှူခံ သွားမည်ဟု ယင်းမြို့ခံက
ပြောသည်။
ထို့အတူ
လူရွှင်တော်ကြီးများကလည်း ယနေ့(၂၉)
ရက်နေ့တွင် စတင် အလှူငွေ ကောက်ခံကြမည်ဖြစ်ပြီး
မန္တလေးမြို့ရှိ
စာရေးဆရာများကလည်း လေဘေးဒုက္ခသည်များ အတွက်ရည်ရွယ်၍
နီးစပ်ရာလိုက်လံအလှူငွေ ကောက်ခံနေသည်ဟု သိရသည်။
မေလ (၂) ရက်နေ့မှ
စတင်တိုက်ခတ်ခဲ့သော နာဂစ်စ် ဆိုင်ကလုန်းမုန်တိုင်းဒဏ်ခံ
လေဘေးဒုက္ခသည်များအား ကုလသမဂ္ဂ
အပါအ၀င် နိုင်ငံတကာက ကယ်ဆယ်ရေး၊
ကူညီရေးများလုပ်ဆောင်နေသော်လည်း ဒုက္ခသည် အများအပြားမှာ
အကူအညီများ လိုအပ်နေဆဲဖြစ်သည်။
|
